آه يابوي!!!!!!!!!!!!

يبه وينك ليتك تجي وتشوف حالي من دونك

كرهت هاعالم بغيابك

يبه شلون ؟؟

بيمر العمر

بليا نظرت عيونك ..؟؟!!

يبه شلونك ؟؟وشلون المرض وياك ؟؟

بعد ماهدك بدنياك..عساها تغمض جفونك ؟؟

اه لو تدري حياتنا شلون في بعدك ؟؟

حنا صرنا كبار..مثل ماكنت تتمنى

درسنا كل ما حبيت .. نصلي مثل ما وصيت

و ندعيلك بالرحمة في كل حين


نبيع العمر والدنيا..ولا تخلف بنا ظنونك

آه يبه نفسي تجي بقربي وتسئلني عن اخباري ؟؟

عن افكاري واخر جنوني ؟؟

آه يبه معاد للفرح مكان بعيوني

اصبح للحزن عبره..تغرقني .. وتحرقني..

تصدق مع اني كبرت الى ان جنوني

صار اكثر من اصغر اخواني

كل يوم اقول بتجي بكره

عيا لا يجي بكره

يبه تعبت من دونك

يبه ليتك ترجع ؟؟اشتقت لوجودك

يبه طوّل غيابك !!

سألت امي ليه ابوي انا يرحل

قالت استغفري ربك

يابنتي ما يدوم الزين

ومع اشراقت كل صباح

احلم بان افتح وجهي على اجمل ابتسامه راتهاعيناي

في وجهك المنير

سؤالي عنك يبه ..صار موال

مل منه من حولي

ودايم يقولون اعقلي الموت علينا حق

انا ادري بس ماقدر انسى

شلون انسى اساس البيت

انسى من كان يدعو لي بكل صلاة بالستر والتوفيق

آه يبه شلون رحت وخليتني لسود اليالي والايام

ما عاد فيني حيل .. وين الحيل ؟؟

آه يالغالي غيابك جرح مايلتم

كل جرح في الدنيا .. مصيره بالدوا يلتم

و لكن البلا من جرح ..

نزف بليّا دم !!

و زاد الهم فوق الهم

وكل ماتذكرتك في سري دموعي تفضحني

آه منك يازمن قاسي

اخذة مني اعز ناسي بلا رحمة

وفي غيابه

تجرعنا الالم انواع

نحبك يا يبه ... ارجع .. مثل شمس الفجر .. اطلع

حزينه الشمس في غيابك و نفس الحزن في احبابك

واخاف الشمس من حزني تغيب و ما عاد تطلع

ييبه صدقني اشتقت لك بالحيل

تذكر اول فرحتك وزهرت شبابك

تراالزهره اكبرت مثل ماتمنيت

لكن بغيابك اذبلت ومالقت من يرويها حب وحنان

يبه زهرتك تناديك تبي دفاء حضنك

يبه تصدق كل يوم يقولو بيزوجوني

اكيد هم جنو شلون افرح وانت مو موجود

مايدرون ان الفرح راح وياك

يقولون الحي ابقى من الميت

مايدرون ان الي ماتت الروح

والباقي جسد من غير روح

آه يابوي ليتك تدري بحالي دموعي طالت ليالي وماحد درى بحالي

اتمنى من كل من لا زال والديه على قيد الحياة ان يسارع الى برهم قبل فوات الاوان